(NPK-NTB): Torsdag ettermiddag opplevde Norwegian tekniske problem som førte til at innlogga kundar kunne sjå bestillingane til andre kundar.

– Ingen personleg informasjon utanom namn og destinasjon kom ut, seier pressesjef Catharina Solli i Norwegian til Bergens Tidende.

Dei tekniske problema er no løyste, ifølgje pressesjefen.

– Det var innsyn i noko som ein ikkje skulle hatt innsyn i. Vi beklagar på det sterkaste, seier Solli til VG.

Norwegian veit enno ikkje kor mange som fekk sjå dei aktuelle opplysningane. Hendinga blir rapportert til Datatilsynet.

(©NPK)