(NTB-NPK): Nye tal frå Nav viser at det er ein nedgang i talet på unge som får arbeidsavklaringspengar. Tala viser òg at den totale veksten i AAP har byrja å flate ut.

– Unge har vore høgt prioriterte i Nav dei siste åra, og det er gledeleg å sjå at utviklinga går rett veg. Det er heilt avgjerande at fleire unge får eit stabilt fotfeste i arbeidslivet, seier arbeids- og velferdsdirektør Hege Nilssen i ei pressemelding.

Blant dei som er under 30 år, får 3,8 prosent AAP. Denne andelen har vore stabil dei siste tre åra. Det er også denne aldersgruppa som har den lågaste andelen av befolkninga på AAP, opplyser Nav.

Dei siste åra har talet på AAP-mottakarar auka kraftig, men no har veksten flata litt ut. Ved utgangen av andre kvartal var det 168.600 som fekk arbeidsavklaringspengar. Det er 1,9 prosent fleire enn året før, men det er den lågaste veksten sidan 2020.

Særleg blant dei yngste har det altså vore ei positiv utvikling. 31.900 personar i alderen 18–29 år fekk AAP på slutten av andre kvartal. Det er 300 færre enn på same tid i fjor.

(©NPK)