(NPK-NTB-AFP): Jemen kan på nytt bli ramma av full krig, meiner FNs menneskerettssjef, som ber alle partar gjere ein innsats slik at det ikkje skjer.

– Eg ber alle partar om å trappe ned spenningane og spare det jemenittiske folket for endå meir elende. Det jemenittiske folket har allereie lidd altfor mykje som følgje av den øydeleggjande arven etter år med krig, fordriving og humanitær krise, seier FN-toppen Volker Türk i ei fråsegn måndag.

– Eg ber alle partar om straks å stanse alle handlingar som kan føre Jemen tilbake til full krig, føyer han til.

Åtvaringa kjem etter ein periode med auka konfliktnivå og fleire angrep der sivile har mista livet.

Tidlegare i august gjennomførte Houthi-militsen sitt blodigaste angrep på fleire år, eit angrep som ifølgje ei militær kjelde tok livet av 58 regjeringssoldatar.

Ifølgje Türk har sju sivile vorte drepne og ti såra i Houthi-angrep mot regjeringskontrollerte område sidan 6. august.

(©NPK)