(NPK-NTB): Ein person har fått eit førelegg på 50.000 kroner for å ha forstyrra ein isbjørn på Svalbard.

Tidlegare denne månaden oppdaga folk om bord i eit fartøy i Lomfjorden i Hinlopenstretet ein sovande isbjørn på land.

– Ein person om bord brukte skipshornet, slik at bjørnen vakna og flytta seg til ein annan stad, opplyser Sysselmeisteren.

Det var andre om bord i skipet som varsla Sysselmeisteren om hendinga. Personen har vedteke og betalt bota.

(©NPK)