EUs regelverk for meir berekraftig drivstoff både i luftfarten og skipsfarten vil tre i kraft i Noreg tidlegast 1. januar 2028, opplyser regjeringa.

Det har vore venta at EU-forordningane ReFuelEU Aviation og FuelEU Maritime skulle tre i kraft tidlegare, men måndag opplyste Klima- og miljødepartementet at regelverket vil tre i kraft tidlegast i januar 2028.

EU-forordningane har til formål å redusere klimagassutslepp frå luftfart og maritim transport.

– Samferdselsdepartementet og Klima- og miljødepartementet arbeider for at forordningane om drivstoff for luftfart og maritim transport kan innlemmast så raskt som mogleg, skriv departementet på nettsidene sine.

(©NPK)