(NPK-NTB-TT): I delar av Spania og på Island blir solformørkinga onsdag total, då månen dekkjer heile sola, og hotellprisane har dermed gått til vêrs.

Eit rom i Reykjavik natt til torsdag kostar i gjennomsnitt over 1000 dollar, tilsvarande rundt 9500 kroner, melder Financial Times. Det er ein auke på 140 prosent samanlikna med same dato i fjor, ifølgje tal frå Lighthouse, som overvakar prisar i reiselivsnæringa.

Etterspurnaden har vore enorm og har komme frå alle hald, seier administrerande direktør Helga Maria Albertsdottir ved Sky Lagoon til avisa. Spahotellet har geotermiske basseng som ein kan observere solformørkinga frå.

Spanias turistnæring vart ramma hardt av hetebølgjene og skogbrannane i sommar, men enkelte stader nord i landet har fått eit oppsving i samband med solformørkinga. I La Coruña har hotellprisane dobla seg, medan prisane i Bilbao og Santiago de Compostela har auka med høvesvis 59 og 31 prosent.

(©NPK)