(NPK-NTB-Reuters): Spania truar med å innføre mottiltak mot reisande frå Italia dersom ikkje den italienske regjeringa stansar grensekontrollane innan søndag.

Italia suspenderte Schengen-avtalen med Spania i éin månad frå 31. juli. Det skjedde etter at om lag 70.000 migrantar tok seg inn i den spanske eksklaven Ceuta frå Marokko førre veke.

Borgarar frå Spania og resten av EU blir ikkje ramma av den italienske grensekontrollen; det gjeld berre reisande utanfor EU som kjem til Italia frå Spania med fly eller båt.

Spania kallar Italias tiltak for urettferdig og meiner dei går mot EUs interesser. Styresmaktene gjentek at ingen av migrantane som kom til Ceuta, har teke seg vidare til det spanske fastlandet eller resten av Europa.

Dei aller fleste migrantane har returnert frå Ceuta.

(©NPK)