(NTB-NPK) Framstegspartiets Ungdom (FpU) har auka medlemstalet med 138 prosent dei siste fem åra.

Ein tredel fleire unge har meldt seg inn i partipolitikken dei siste fem åra. Framstegspartiets Ungdom (FpU toppar lista, etterfølgd av Kristeleg Folkepartis Ungdom (KrFU med nesten 70 prosent auke og AUF med over 50 prosent, viser ei kartlegging NRK har gjort.

Nedst er Senterungdommen, som har mista over ein tredel av medlemmene sine dei siste fem åra.

Professor i statsvitskap ved Universitetet i Oslo, Kristoffer Kolltveit, peikar på ei aukande splitting mellom kjønna som ei mogleg forklaring på at fløypartia på begge sider har vakse.

– Bak tala er det kjønnsforskjellar som gjer at veksten på høgresida kanskje er driven av unge menn, og veksten på venstresida kanskje er mest driven av unge kvinner, seier han til NRK.

(©NPK)