(NTB-NPK): Over 15.000 lyn vart registrerte i Noreg torsdag. Gjensidige har allereie fått fleire skademeldingar og ventar at talet vil stige.

Gjensidige har registrert rundt 200 lynskadar dei siste to vekene, og erfaringa viser at mange oppdagar skadane først etter at torevêret har passert, opplyser Gjensidige til NTB.

– Vi har allereie fått inn nokre skademeldingar etter det kraftige torevêret i går, men vi ventar at det kjem betydeleg fleire, seier kommunikasjonssjef Bjarne Aani Rysstad i Gjensidige.

Vidare fortel han folk ofte ikkje oppdagar at utstyr er skadd før dei skal bruke varmepumpa, TV-en, modemet eller anna elektronisk utstyr.

Rysstad opplyser at erstatningane ligg gjerne på 15-20.000 kroner per skade, og at det hittil i år er registrert 1.700 skademeldingar.

– Mange tenkjer at dei må få eit direkte lynnedslag for å bli ramma, men det er ofte overspenninga som forårsakar dei største skadane. Det er derfor lurt å trekkje ut støpsel til verdifull elektronikk, seier Rysstad.

Han oppmodar også folk til å følgje med på vêrvarsla og ta forholdsreglar i forkant av uvêret.

– Nokre enkle grep før torevêret kjem kan spare deg for mykje bry i etterkant, seier Rysstad.

(©NPK)