(NPK-NTB-Reuters): Flytrafikken ved Catania lufthamn på Sicilia held fram med å vere innstilt til fredag på grunn av oske frå vulkanen Etna.

Catania er den største flyplassen på den italienske øya Sicilia og ligg like ved den aktive vulkanen Etna.

Alle avgangar og innkomstar er innstilte fram til klokka 02.00 lokal tid 14. august.

Passasjerar blir rådde til å sjekke status på flyet sitt før dei reiser til flyplassen.

Vulkansk aktivitet frå Etna forstyrrar trafikken ved Catania lufthamn ved jamne mellomrom. I år har stengingar skjedd i høgsesongen for turisme og har ført til ekstra press på Sicilias andre lufthamner.

Ny aktivitet frå vulkanen starta 6. august, og ein talsperson frå den italienske vulkanforeininga seier at aktiviteten er meir «energisk» enn tidlegare episodar og held seg på eit vedvarande høgt nivå.

(©NPK)