(NPK-NTB-Reuters): Presidenten i USA Donald Trump har signert eit notat for å få i stand ein stor auke i talet på oppskytingar til verdsrommet.

Det kvite hus ønskjer minst 1000 oppskytingar og returar i året frå 2030. Det dreier seg dermed om ein enorm auke frå dagens nivå. I fjor hadde USA 178 romoppskytingar, som igjen var ti gonger fleire enn i 2013.

I notatet ber Trump ulike statlege byrå om å setje i verk tiltak for å utvikle infrastruktur for romfart i samarbeid med private aktørar, få fortgang i løyve og gjennomgang av miljømessige aspekt, og sikre at det finst tilstrekkelege trådlause frekvensar for romoppskytingar.

(©NPK)