(NPK-NTB-AFP-Ritzau): USAs president Donald Trump avviste overfor nettavisa Axios at Washington er bekymra for at Russland kan komma til å angripa Nato-land.

Trump sa i eit telefonintervju med nettavisa at han har hatt «gode samtalar» med Russlands president Vladimir Putin.

– Han kjem ikkje til å angripa Nato-territorium, sa Trump.

Meldinga kjem etter at CIA-direktør John Ratcliffe la eit overraskande besøk til Moskva denne veka.

Ifølgje den amerikanske TV-kanalen CNBC skal Ratcliffe ha reist til Russland nettopp for å åtvara Putin mot å eskalera krigen vestover.

Ifølgje Trump var besøket derimot «rein rutine», skriv Ritzau.

Frykta for at Ukraina-krigen skal eskalera vestover, kjem i kjølvatnet av at både Russland og Ukraina har trappa opp bruken av langtrekkjande dronar og missil den siste tida.

(©NPK)