(NPK-NTB): Vulkanen Anak Krakatau i Indonesia har hatt tre nye utbrot på kort tid, opplyser styresmaktene.

Det siste av dei tre utbrota blei registrert klokka 7.49 tysdag morgon, opplyser styremaktene i landet.

Omfanget av utbrota, og eventuelle konsekvensar for flytrafikken, var ved 3.30-tida natt til tysdag norsk tid ukjent.

Den same vulkanen hadde utbrot også i helga. Dette utbrotet starta fredag. Det førte til at mellom anna hovudflyplassen i Jakarta måtte haldast stengd i to dagar.

Måndag kveld norsk tid blei det meldt at flyplassen i Jakarta, og dessutan fire andre flyplassar på øya Java, hadde blitt gjenopna etter utbrotet i helga.

Sveriges kronprinsesse Victoria, som er på reise, skulle opphavleg ha reist heim via Jakarta, der ho mellom anna skulle ha møtt president Prabowo Subianto. Ho har måtta endre reiseruta og dra via Bali i staden.

Det var måndag kveld usikkert om ho rekk kong Haralds gravferd i Oslo onsdag.

(©NPK)