(NPK-NTB): Somme har ikkje fått utbetalt arbeidsavklaringspengar og dagpengar måndag. Det kjem av ein teknisk feil.

Det melder VG.

Forseinkingane gjeld personar som sende inn meldekort i løpet av helga.

– Feilen er identifisert, og vi jobbar med å rette han. Utbetalingar vil gå som normalt frå i morgon, seier Line Theil Strømsnes, avdelingsdirektør for utbetalingsseksjonen i Nav, til avisa.

Pengane som ikkje blir utbetalte måndag, skal ifølgje Nav bli utbetalte innan tre arbeidsdagar.

– Vi har likevel forståing for at det kan opplevast som krevjande for dei som er vande til å få utbetalinga tidlegare, seier Strømsnes til avisa.

(©NPK)