(NPK-NTB): Orkla kuttar delen makrell i det folkekjære pålegget, Stabbur-Makrell. Dei vil ikkje seie om prisen blir kutta tilsvarande.

Det stadfestar Kristoffer Vikebak, kommunikasjonssjef i Orkla Foods til Dagbladets DinSide.

– Makrellbestanden er under press, noko som har ført til reduserte kvotar, mindre tilgjengeleg råstoff og mykje høgare råvareprisar. For å møte denne utviklinga har vi redusert fiskedelen i desse produkta noko, seier Vikebak til DinSide.

Tre pakkar vil få redusert fiskeinnhald:

* Filet 170 g går frå 71 prosent fisk til 60 prosent

* Filet 110 g går frå 60 til 55 prosent fisk

* Grovhakka 110 går frå 60 til 55 prosent fisk

Vikebak seier dei har justert oppskrifta for å bevare smaken best mogleg, og ventar lita smaksendring. Han ønskjer likevel å vere open om endringa.

Om det blir ei endring i prisen, kan han ikkje kommentere. Han viser til at råvareprisane på makrell generelt har auka kraftig.

(©NPK)