Senterpartiet inviterte partia på Stortinget til møte om borgfred etter kong Haralds bortgang. Møtet blir avlyst etter at fleire parti takka nei.

Generalsekretær Ole André Myhrvold i Senterpartiet stadfestar overfor NRK at møtet blir avlyst.

Møtet skulle haldast torsdag og handle om korleis borgfreden skulle forståast.

Høgre, Arbeidarpartiet, MDG og Framstegspartiet har likevel alle takka nei.

Møteinvitasjonen kom etter ulik praksis og påståtte brot på borgfreden, mellom anna at Sp-leiar Trygve Slagsvold Vedum uttalte seg om EU-avstemminga på Island og at landbruksminister Nils Kristen Sandtrøen (Ap) var med på eit arrangement dagen etter døden til kongen.

Då kong Harald gjekk bort fredag, erklærte Ap-regjeringa at det skulle vere landesorg i Noreg fram til gravferda 9. september. Alle partia vart same dag samde om å pause alle politiske utspel, lesarinnlegg, debattdeltaking og annan politisk kommunikasjon som ikkje blir vurdert som «strengt nødvendig».

(©NPK)