(NPK-NTB) Skatteetaten opplyser at dei har problem med fleire av tenestene sine torsdag ettermiddag.

– Vi opplever problem med fleire tenester. Feilen er identifisert, og utbetring går føre seg, heiter det på Skatteetatens nettsider.

Det er ikkje kjent kva slags problem det dreier seg om, men dei fører til at det er vanskeleg å logge seg inn, til dømes for å endre skattekortet.

Den siste tida har det vore ei rekke problem hos ulike offentlege tenester. Forklaringa har i mange tilfelle vore dataangrep. Såkalla tenestenektangrep overbelastar ei nettside eller servar med falsk trafikk frå mange maskiner, slik at ho sluttar å verke for vanlege brukarar.

(©NPK)