(NTB-NPK) Oslo MDGs nominasjonskomité innstiller leiaren sin Margit Martinsen Bye (24) som listetopp til kommunevalet i 2027.

Bye lanserte seg sjølv som førstekandidat tidlegare i år, skriv Avisa Oslo.

På andreplass er tidlegare finansbyråd Einar Wilhelmsen innstilt, etterfølgd av Eivind Trædal på tredjeplass.

– Det aller viktigaste no er å få til eit raudgrønt skifte. Oslo må ta leiartrøya tilbake i klimapolitikken, seier Bye til Aftenposten.

Ved førre lokalval gjekk MDG på eit stort nederlag i Oslo, der partiet gjekk ned med rundt 5 prosentpoeng og dei raudgrøne mista makta.

Trædal peikar på Framstegspartiet sin vekst i Oslo som ein viktig motivasjon.

– Det er nødvendig å mobilisere veljarar for å stoppe denne utviklinga, seier han.

(©NPK)