(NPK-NTB): Kronprinsesse Mette-Marit drog frå Rikshospitalet litt etter klokka 22 torsdag kveld og vende heim til Skaugum. Ho kom til sjukehuset rundt to og ein halv time tidlegare.

Det var hennar andre besøk på Rikshospitalet for dagen. Kronprins Haakon kom saman med henne til sjukehuset rundt 19.40, men vart ikkje sett i bilen som Mette-Marit var i på veg ut frå sjukehuset seinare på kvelden.

Dronning Sonja drog frå sjukehuset like før kronprinsparet kom tilbake dit.

Kongefamilien samla seg på sjukehuset utover formiddagen torsdag. Då var det meldt i forkant at helsetilstanden til kongen var svært alvorleg.

På ettermiddagen vart det meldt at situasjonen var den same, og kronprinsfamilien drog etter kvart tilbake til Skaugum. Kronprinsparet vende så tilbake til Rikshospitalet åleine, før Mette-Marit på ny vende heim igjen.

Dronning Sonja var på sjukehuset i ti samanhengande timar før ho drog frå sjukehuset igjen.

(©NPK)