(NPK-NTB): – Det er med stor sorg Forsvaret og eg har fått bodskapen om Hans Majestet Kong Harald Vs død, seier forsvarssjef Eirik Kristoffersen. Forsvaret heidrar kong Harald med salutt klokka 12 fredag.

Forsvaret vil heidre kong Harald med sørgjesalutt frå Forsvarets ni saluttstasjonar klokka 12 fredag. Salutten består av 21 skot med 30 sekunds mellomrom.

Alle Forsvarets avdelingar vil også markere bortgangen med oppstilling med kunngjering og eitt minutts stille.

– Hans Majestet var eit førebilete og ein stor inspirasjon for oss alle. Kongen var samlande, omsorgsfull og ein klok regent som vil bli djupt sakna, seier Kristoffersen.

Forsvarssjefen legg til at han har sett stor pris på kong Haralds «personlege engasjement og mange besøk til Forsvaret».

– Vi kjende alltid på nærleiken til kongen. No går vår varmaste medkjensle til kongefamilien, seier Kristoffersen vidare.

(©NPK)