(NPK-NTB): Eit fleirtal av befolkninga er positive til kjernekraft som straumkjelde her i landet, viser ei ny undersøking.

I løpet av fire år har støtta auka frå 36 prosent til 54 prosent. Samtidig har delen som meiner at Noreg ikkje bør satse på kjernekraft, falle frå 30 til 17 prosent, ifølgje Opinions rapport Forbruker og bærekraft 2026.

Sjølv om kjernekraft har sterkast vekst i oppslutning av alle energikjeldene som blir målte i undersøkinga, er det solceller som er den klare vinnaren.

Sju av ti meiner Noreg bør auke straumproduksjonen frå solceller.

Halvparten støttar havvind, medan landvind slit med oppslutninga. Berre 33 prosent støttar meir vindkraft på land, ned frå 44 prosent i toppåret 2023.

Delen som støttar ny vasskraft i verna vassdrag, har falle frå 33 prosent i 2022 til 25 prosent i dag.

(©NPK)