Akershus universitetssjukehus ber brukarar av Kompetansebroen om å endre passord som følgje av ei tryggingshending i nettenesta.

– Ahus har den siste tida handtert eit digitalt angrep på Kompetansebroen, ein nettstad for samhandling og kompetansedeling, kurs og fagleg samarbeid i helsetenesta. Som eit tryggingstiltak blir alle registrerte brukarar bedne om å opprette eit nytt passord, skriv sjukehuset i ein pressemelding.

– Vi ber alle brukarar om å byte passord. Dette gjer vi for å redusere risikoen og vareta tryggleiken til brukarane av tenesta, seier Jørn Limi, viseadministrerande direktør ved Akershus universitetssjukehus og styreleiar for Kompetansebroen.

(©NPK)