(NPK-NTB) – Frå ein skitten bar på Stord til Oslo Spektrum, skriv Tobias Sten (23) i sosiale medium om neste steg i kometkarrieren.

Countrystjerna frå Stord skal opptre i Oslo Spektrum laurdag 6. mars neste år, noko plateselskapet kallar hans største steg på scena så langt – og under tre år etter at han vann talentkonkurransen deira.

Sten og bandet Badlane lova å både «spela litt og jodle litt» då dei kom med konsertnyheita på Instagram. Så langt i år har Tobias Sten spelt 63 konsertar. Det inkluderer 40 festivalopptredenar over heile landet, i tillegg til at han har prøvd seg på sine første festivalar i Sverige og Danmark.

– Venner og familie skjønner det ikkje heilt. «Du må kvile», seier dei. Det er mykje. Men eg lever draumen og sørgjer for å trene. Ein må behandle dette som toppidrett, og eg set pris på å vakne opplagt, sa Tobias Sten til NTB tidlegare i år.

Fredag slepper han ein ny låt, kalla «Halvt forhold», som ifølgje omtalen «set ord på kjensla av å stå med ein fot inne og ein fot ute i kjærleiken».

Tobias Sten har til no hatt 14 låtar inne på topp 10-lista i Noreg og vart kåra til Årets Spellemann i mars i år.

(©NPK)