(NPK–NTB); Sveriges statsminister Ulf Kristersson kallar Russlands ambassadør til landet inn på teppet etter sabotasjeskuldingar frå tyske styresmakter.

– Sverige kallar inn den russiske ambassadøren for å framføre Sveriges sterke protest mot Russlands framferd, seier Kristersson på eit pressetreff tysdag.

Det skjer etter at den tyske regjeringa oppgav at dei meiner Russland stod bak eit droneangrep mot Leipzig/Halle-flyplassen 4. august.

Dronen vart funnen nær eit ukrainsk lastefly. Flyet vart brukt til frakt av militære forsyningar, og flyplassen vart mellombels stengd som følgje av hendinga. Flyplassen blir brukt som base av Nato og selskapet Antonov.

– Denne gongen mislukkast sabotasjen, men det kunne fått fullstendig øydeleggjande konsekvensar for både menneskeliv og europeisk luftfart om operasjonen hadde lukkast, seier Kristersson.

Ifølgje statsministeren skjer ein auke av hybride truslar medan Russland mislukkast med å nå måla sine i krigen mot Ukraina, og den russiske økonomien går dårlegare.

(©NPK)