(NPK-NTB): Undersøkinga viser at nordmenn flest kjenner råda frå styresmaktene om eigenberedskap. Samtidig trur berre ein tredel at dei vil klare seg ei veke eller lenger i ein krisesituasjon.

Det viser ei ny undersøking gjort av YouGov på vegner av batteriprodusenten Varta i august i år. 1003 personar deltok i undersøkinga.

Av deltakarane svarte 32 prosent at dei trur at husstanden vil klare seg ei veke eller lenger dersom straum og vatn forsvinn og det ikkje er mogleg å handle.

Norske styresmakter har anbefalt husstandar å vere førebudde på å klare seg sjølve i éi veke dersom viktige tenester fell bort. 60 prosent av deltakarane visste om denne anbefalinga.

– Det mest interessante er kanskje ikkje at folk manglar kunnskap om eigenberedskap. Dei fleste veit at dei bør vere førebudde. Utfordringa ser ut til å vere å gå frå å vite kva ein bør gjere, til faktisk å gjere det, seier Haakon Stenbeck, salssjef for Varta i Noreg, i ei pressemelding.

Vidare viser undersøkinga at 73 prosent har ei fungerande lommelykt eller hovudlykt, 70 prosent har mat som kan oppbevarast utan kjøleskap og 64 prosent har førstehjelpsutstyr.

49 prosent oppgav at dei har lagra drikkevatn, og omtrent like mange har alternativ oppvarming. 52 prosent kan lage mat utan straum, og 26 prosent har ein batteri- eller sveiveradio.

(©NPK)