(NPK-NTB): Europris kallar tilbake finmalen kanel i 100 grams posar frå Kryddhuset på grunn av høgt innhald av kvikksølv.

Tilbaketrekkinga gjeld 100-gramsposar med best før-dato 17.03.2029 og 28.05.2029, opplyser Mattilsynet.

– Om du har kjøpt nokon av produkta det gjeld, skal du ikkje bruka eller eta produktet, men kontakta kjøpsstaden for informasjon om retur og eventuell erstatning, heiter det i meldinga frå tilsynet.

Dersom du allereie har brukt produktet, treng du ikkje å gjera noko. Tilbakekallinga blir gjennomført som eit føre-var-tiltak fordi den analyserte kanelråvara har overskride den lovfesta grenseverdien.

(©NPK)