(NPK-NTB-Reuters): Meta har som ledd i eit forlik med 29 amerikanske delstatar gått med på å betala 16,68 milliardar dollar, rundt 156 milliardar kroner, til dei, viser rettsdokument.

Dei 29 amerikanske delstatane gjekk til sak mot Meta og skulda selskapet for med overlegg å ha bygd plattformene sine for å hanka inn unge brukarar og samla inn persondata i strid med personvernet.

Delstatane kravde erstatning på opp mot 1000 milliardar dollar, noko som svarer til rundt to tredelar av børsverdien til Meta.

Delstatane kravde også ei rekke endringar, mellom anna at Meta må påleggja foreldre å stadfesta at tenåringar får ha kontoar på Facebook og Instagram.

Dei kravde også store endringar i «dopamin-manipulerande» algoritmar, fjerning av biletfilter som endrar utsjånad, slutt på automatisk avspeling av videoar og fjerning av stories-funksjonen.

(©NPK)