(NPK-NTB-AFP): 315 migrantar, og 40 barn, vart berga frå ein drivande, overfylt båt av kystvakta i Mauritania natt til torsdag.

Båten hadde reist frå Gambia med migrantar frå Senegal, Gambia og Mali. Dei vart til slutt berga utanfor den mauritanske hamnebyen Nouadhibou. Det skal ha vore både menn, kvinner, barn og spedbarn om bord.

For berre nokre dagar sidan vart 42 migrantar berga av kystvakta under liknande omstende. Tusenvis av migrantar har dei siste åra prøvd den farlege reisa frå Vest-Afrikas kyst til Kanariøyane på overfylte båtar, ofte i dårleg stand. Dei siste månadene har hundrevis drukna eller vorte meldt sakna etter at båtane deira sokk.

(©NPK)