(NTB-NPK): Kvalifiseringa til motorsykkelløpet Manx Grand Prix på Isle of Man i Irskesjøen har kravd to liv så langt.

Sveitsaren Mauro Poncini (29) døydde i ein kollisjon under første dag av kvalifiseringa tysdag. Det skjedde allereie i den første runden.

Dagen etter mista den britiske firebarnsfaren Sam Naughton (37) livet etter ei ulykke i svingen Dorans Bend.

Naughton hadde delteke i ulike motorsykkelløp sidan 2020, og han debuterte i Manx Grand Prix i fjor.

Manx Grand Prix blir arrangert på den berømte 60 kilometer lange fjellbanen på øya som ligg mellom England og Irland i Irskesjøen, og løpet og banen blir rekna for å vera blant dei farlegaste i verda med historisk mange dødsfall.

(©NPK)