(NPK-NTB-AP): Då ein isbre i Sveits trekte seg tilbake, fann ein turist leivningar. Det viste seg å vere to belgiske fjellklatrarar som forsvann i 1992.

Leivningane kom til syne etter smelting på Trift-breen, som ligg sør for Luzern.

DNA-testar utførte ved eit sjukehus i kantonen Valais fastslo at leivningane tilhøyrde to belgiske fjellvandrarar som var 39 og 41 år då dei forsvann i nærleiken av fjellet Weissmies, nokre titals kilometer lenger sør, i 1992.

Slike funn er ikkje noko nytt, men har vorte stadig vanlegare ettersom isbrear smeltar i eit stadig raskare tempo.

Politiet i regionen har ein database over sakna personar frå det siste hundreåret. Dei seier at tilbaketrekkinga til isbreane har ført til at leivningar av menneske som forsvann for fleire tiår sidan, no dukkar opp.

(©NPK)