(NPK-NTB): Til saman har ukrainske styrkar i perioden januar til august frigjort 745 kvadratkilometer av territoriet i landet som russiske styrkar hadde okkupert, seier Ukrainas president Volodymyr Zelenskyj i eit innlegg på X.

Dei har òg, ifølgje Zelenskyj, vunne tilbake kontrollen over 26 landsbyar ved å presse russiske styrkar ut av dei. Dei ligg i regionane Donetsk, Dnipro og Zaporizjzja.

I tillegg er minst 9.550 russiske soldatar drepne og over 6.600 andre er såra. Zelenskyj nemner ikkje kor store dei ukrainske tapa har vore. Verken Russland eller Ukraina har offentleggjort kor mange soldatar som er drepne på slagmarka så langt i krigen.

Dei siste månadene har Ukraina i aukande grad byrja å angripe mål hundrevis av kilometer inne i Russland. Angrepa har hatt som mål å ramme russiske energianlegg og dermed russisk økonomi.

(©NPK)