(NTB-NPK): Ein lastebil og ein personbil har kollidert i Trollkonetunnelen på E16 i Vaksdal i Vestland. Det er røyk i tunnelen, og folk blir evakuerte ut.

Like før klokka 18 hadde brannvesenet frigjort ein person som var fastklemd i personbilen. Vedkommande er medviten og får tilsyn av ambulanse, skriv operasjonsleiar Ingrid Teigland Tepstad i Vest politidistrikt i politiloggen.

Då var det gått nærare ein halv time sidan politiet fekk melding om ulykka. Ifølgje meldinga dreier det seg om ein frontkollisjon.

– Brannvesenet er på staden. Det er røyk i tunnelen. Vi evakuerer folk ut, skriv Tepstad.

– Det verkar kaotisk på staden. Det er mykje folk og bilar i tunnelen, skriv ho vidare.

(©NPK)