(NPK-NTB): Nærare eitt døgn etter oppstarten sit partane framleis i møte hos Riksmeklaren i eit forsøk på å komme til ei semje slik at ein unngår streik blant dei kabintilsette i SAS.

Partane – NHO Luftfart på arbeidsgjevarsida og Parat og Fellesforbundet på arbeidstakarsida – møttest klokka 10 torsdag formiddag.

Ved 5.30-tida fredag opplyste riksmeklar Mats Ruland til NRK at partane framleis sit samla.

Faren for streik oppstod igjen fordi medlemmene i både Fellesforbundet og Parat stemde nei til tariffavtalen som det vart semje om tidlegare i sommar. Den vil i så fall starte klokka 4 natt til laurdag.

(©NPK)