(NTB-Reuters-NPK): Litt over fem månader inn i USA sin krig mot Iran er det tre gonger så mange amerikanarar som ventar at Midtausten vil gli mot kaos, samanlikna med dei som trur krigen vil gi meir stabilitet.

Det viser ei ny meiningsmåling gjennomført av nyheitsbyrået Reuters og selskapet Ipsos.

Undersøkinga vart avslutta måndag, samtidig som USA sin president Donald Trump trekte seg frå truslar om «massive angrep» mot Iran.

50 prosent av respondentane svarer at dei trur at den amerikanske krigføringa i Iran vil destabilisere Midtausten i løpet av det neste året. Det er meir enn tre gonger så mange som dei som oppgir at dei trur krigen vil føre til meir stabilitet i regionen. 16 prosent seier at stabiliteten vil halde fram med å vere omtrent den same, og 17 prosent svarer at dei er usikre i spørsmålet.

I tillegg oppgir respondentane at dei meiner at Demokratane har den beste tilnærminga til krig og terrorisme, med ei knapp leiing på 37 mot 36 prosent for Republikanarane. Det kan ha noko å seie for Trump og partiet hans i mellomvalet i haust.

(©NPK)