(NTB-NPK): Regelverket byggjer på ei risikobasert tilnærming. Jo større risiko eit KI-system utgjer, desto strengare krav gjeld.

Krava blir trinnvis innførte, og reglane som regulerer høgast risiko, blir først innførte.

KI-systema blir kategoriserte i fire nivå av risiko:

1. Forbode KI (uakseptabel risiko). Kravet er totalforbod. Døme: Sosial poengsetjing, manipulasjon av sårbare grupper, ansiktsgjenkjenning i sanntid i det offentlege rommet

2. Høg risiko. Strenge krav til testing, dokumentasjon, tilsyn og oppfølging. Døme: KI brukt i helse, utdanning, rekruttering, rettssystemet, kritisk infrastruktur.

3. Avgrensa risiko. Krav om tydeleg merking og informasjon til brukarar. Døme: Chatbotar, tilrådingssystem, KI-drivne kundeserviceverktøy.

4. Minimal risiko. Ingen spesifikke krav. KI i spel, biletfilter, stavekontrollar.

KI-lova stiller først og fremst krav til utviklarar, leverandørar og verksemder som bruker KI.

Privatpersonar vil merke effekten indirekte, mellom anna gjennom tryggare tenester, tydelegare merking og betre rettar.

(Kjelde: Nkom: KI-lova i eit nøtteskal)

(©NPK)