Det opplyser familien torsdag.
Tufte døydde tidlegare i veka av akutt hjartestans. Rolegenda vart funnen medvitslaus på garden i Nykirke og vart frakta til sjukehus, men livet stod ikkje til å redde.
Familien opplyser torsdag at dei ikkje ønskjer blomar eller merksemd til kyrkja eller heimen i samband med gravferda.
«I staden er det ønskt eit bidrag til Olafs barns Utdanningsfond», skriv dei i dødsannonsen.
Tufte var ein av Noregs mest folkekjære idrettsheltar. Han var den første nordmannen som vann internasjonale titlar i singlesculler. Han vann VM-gull i 2001 og 2003, OL-gull i 2004 og 2008.
Han deltok i alle sommar-OL frå Atlanta i 1996 til Tokyo i 2021, altså ein periode på 25 år. Han var den første nordmannen med deltaking i sju olympiske leikar.
Tufte vart 50 år gammal og etterlét seg kona Aina og dei to barna deira.
(©NPK)
0 kommentarer