* Klokka 9: Minnemarkering ved den nye minnestaden framfor Høgblokka ved regjeringskvartalet.

Statsminister Jonas Gahr Støre (Ap), AUF-leiar Gaute Skjervø, direktør Lena Fahre ved 22. juli-senteret og representantar for den nasjonale støttegruppa held talar. Det blir eitt minutts stille, kransnedlegging og namneopplesing. Helene Bøksle står for musikkinnslag.

* Klokka 11: Minnegudsteneste i Oslo Domkirke.

Kong Harald og Dronning Sonja er til stades. Utviklingsminister og Utøya-overlevande Åsmund Aukrust held tale. Det blir lystenning med overlevande frå regjeringskvartalet, utviklingsministeren, den nasjonale støttegruppa, vennekrinsen til Benjamin Hermansen og familiemedlemmer av Tamima Nibras Juhar, representantar for AUF og biskop Sunniva Gylver.

Det blir namneopplesing, Oslo domkor skal syngja og Sigvart Dagsland og Karoline Krüger står for musikkinnslag.

* Klokka 16: Minnesstund på Utøya.

Statsminister Jonas Gahr Støre og AUF-leiar Gaute Skjervø talar igjen. Det blir også tale og diktlesing av styreleiar Merete Stamneshagen i den nasjonale støttegruppa.

Det blir eitt minutts stille, namneopplesing og kransnedlegging ved statsministeren, AUF, Arbeidarpartiet og den nasjonale støttegruppa. Helene Bøksle syng og Magnus Aannestad Oseth speler «Til ungdommen» på trompet.

(©NPK)