(NPK–NTB): Omtrent 3 500 soldatar frå Forsvaret skal vera i sving under kong Haralds gravferd onsdag.

Det opplyser brigader Gyda Ellefsplass Olssen i Forsvaret under eit pressetreff torsdag.

Av desse skal omtrent 1 900 stå oppstilte som i espalier langs ruta til båra, frå Slottet til Oslo domkyrkje, og vidare til Akershus festning.

Æresvakter og militærband utgjer 1 200 personar, medan 200 soldatar skal stå for flagging i hovudstaden. 100 til skal sørgja for salutteringa. Det skal avfyrast både sørgjesalutt og kongesalutt i samband med gravferda.

Seks generalar og admiralar, blant dei forsvarssjef Eirik Kristoffersen, kjem til å gå i prosesjonen med båra frå Slottet til Oslo domkyrkje.

Styrkane kjem frå heile Noreg og øver i desse dagar, men det kjem ikkje til å bli øvd i Oslo sentrum fram til gravferda.

(©NPK)