(NPK-NTB): Politiet i delstaten Sachsen aust i Tyskland har funne totalt 21 sprengladningar i etterforskinga av angrep på straumnettet.

Alle anretningane blei desarmerte, opplyser påtalemakta i delstaten måndag.

Tysk politi sa fredag at dei leitar etter ein mann som sende brev der han tok på seg ansvaret for ei rekke sabotasjeaksjonar mot straumnettet førre veke.

Laurdag gjekk etterforskarane ut med ei offentleg etterlysing med bilete av den mistenkte. Sabotasjeforsøka har funne stad i delstatane Nordrhein-Westfalen, Brandenburg og Sachsen. I alle tre delstatane blir det vunne ut brunkol til å produsere straum. Fredag fann politiet sprengstoff i leilegheita til den mistenkte.

(©NPK)