(NPK-NTB) Ei kvinne omkom då ein personbil og ein lastebil kolliderte på E6 i Melhus i Trøndelag. E6 er stengd og vil vere det ei stund framover, ifølgje politiet.

Det skriv Adresseavisen.

– Då vi kom fram, vart det stadfesta av helsevesenet at det var snakk om ei dødsulykke, seier operasjonsleiar i politiet Viola Elvrum til avisa.

Pårørande til kvinna er varsla, opplyser Elvrum til avisa.

Ulykka skjedde i 12.30-tida på E6 ved Lundamo i Melhus.

E6 vil vere stengd ei stund framover, og politiet oppmodar folk til å følgje omkøyringsmoglegheiter frå Statens vegvesen.

(©NPK)