(NPK-NTB): Kid Interiør har kalla tilbake sju lamper på grunn av fare for elektrisk støyt. Lampene kan returnerast til ein av butikkane deira, opplyser butikkjeda.

Dette gjeld lampene Ovida bordlampe, Embla bordlampe, Bloom taklampe, Petal taklampe, Floral taklampe, Floris taklampe og Embla taklampe.

– Vi har fått informasjon om at lampene ikkje oppfyller dei høge tryggingsstandardane våre, og at dei ikkje er fullt ut i samsvar med gjeldande tryggingskrav for lamper. Dette kan medføre risiko for elektrisk støyt, brannskade og brann, skriv Kid.

Vidare skriv kjeda at alle tilbakekalla lamper gir rett til refusjon av kjøpesummen, og at kvittering ikkje er nødvendig.

Om du har ei slik lampe heime, er rådet følgjande:

– Slutt å bruke lampa med ein gong. Slå av straumkrinsen til lampa i sikringsskapet, og kontroller at lampa er straumlaus før du berører eller koplar henne frå.

(©NPK)