(NPK-NTB): Forsøket på droneangrep på flyplassen i Leipzig er ei ny russisk opptrapping på europeisk jord, seier leiaren for EU-kommisjonen, Ursula von der Leyen.

Den tyske regjeringa skulda tysdag offentleg Russland for å stå bak angrepet.

– Dette var eit angrep med bruk av militært materiell, utført av russiske agentar på europeisk jord, sa von der Leyen til pressa i Brussel dagen etter.

Ho la til at angrepet kunne ha kosta menneskeliv om det hadde lykkast.

– Europa og Nato skal ikkje berre halde oppe presset vårt på Russland. Vi kjem til å auke det, og vi skal ikkje stoppe, sa EU-sjefen etter å ha diskutert saka med Natos generalsekretær Mark Rutte.

Ho skildra hendinga som del av «eit breiare mønster med stadig farlegare hendingar».

– Europearar står overfor den harde sanninga som er at dette er den nye normalen, seier von der Leyen.

Rutte deler synet til EU-sjefen og la til at Russland blir «stadig meir hensynslaust».

(©NPK)