(NPK-NTB): Sju asylmottak med til saman 1050 plassar blir lagde ned, opplyser Utlendingsdirektoratet (UDI). Truleg blir fleire mottak lagde ned framover.

Årsaka er at det har komme færre asylsøkjarar til Noreg enn det var planlagt for. Det har komme om lag like mange ukrainarar som anslått, men vesentleg færre asylsøkjarar frå andre land, opplyser mottaksdirektør Heidi Bottolfs i UDI i ei pressemelding.

Mottaka som no blir lagde ned, ligg i Kongsvinger i Innlandet, Hå i Rogaland, Ulstein i Møre og Romsdal, Stord i Vestland, Vang i Innlandet, Nordreisa i Troms og Lyngdal i Agder. Drifta blir lagd ned ved årsskiftet.

UDI har i dag 9100 bebuarar fordelte på 106 mottak og avdelingar, medan totalkapasiteten er på 14.311 mottaksplassar. Det er venta at nedgangen held fram i første halvdel av 2027.

– Held denne trenden fram, vil det bli behov for å avvikle endå fleire mottak innan kort tid, seier Bottolfs.

(©NPK)