(NPK-NTB-Reuters): – Ukraina har nyleg teke imot nokre få amerikanske Patriot-missil som er i stand til å skyta ned russiske ballistiske missil, seier president Volodymyr Zelenskyj.

Ukraina har også fått stadfesting på framtidige leveransar av det franske bakke-til-luft-missilsystemet Crotale, seier Zelenskyj til kringkastaren Suspilne.

Presidenten seier ikkje noko om kor mange Patriot-missil dei har fått, eller kvar leveransen kjem frå.

I eit CNN-intervju for halvanna veke sidan sa Zelenskyj at landet treng 5 prosent av den amerikanske behaldninga av Patriot-missil for å komma seg gjennom vinteren og 10 prosent for å skyta ned alle dei ballistiske missila frå Russland.

Samtidig gjer Ukraina framsteg i utviklinga av sitt eige ballistiske missilforsvarssystem, har Zelenskyj uttalt.

(©NPK)