– På vegner av det amerikanske folket gratulerer eg deg og befolkninga i Ukraina på frigjeringsdagen dykkar, skreiv Trump i ei melding til president Volodymyr Zelenskyj, ifølgje sistnemnde.
Trump skryter av den ukrainske presidenten og seier at han har bygd eit flott land.
– USA beundrar motstandsevna dykkar, heidrar offera dykkar og har framleis tillit til framtida dykkar som ein suveren og velståande nasjon, skreiv Trump, og heldt fram:
– La oss bruke denne moglegheita til å avslutte konflikten og byggje ein varig fred som frigjer Ukrainas enorme potensial for kommande generasjonar.
Zelenskyj skriv at helsinga gir motivasjon og håp om at fleire liv kan vernast frå Russlands angrep, og at ein fred kan bli oppnådd.
Tysdag har Zelenskyj skrive takkemeldingar til leiarar av ei rekke land i etterkant av nasjonaldagen, blant dei Finland, Tyskland, Sveits, Sverige og Tyrkia.
(©NPK)
0 kommentarer