(NTB-AP-AFP): Torsdag kantra ein båt i ei elv i Sokoto nordvest i Nigeria. Minst 51 personar omkom i ulykka.

Minst 80 personar var om bord i båten. Mesteparten av passasjerane var på veg til ulike gardar for å arbeide.

Lokale redningstenester har opplyst at dei er på staden og har starta hjelpearbeid.

Dødelege båtulykker er vanlege i Nigeria, særleg i regnsesongen. Mangelfull handheving av tryggingsreglane gjer at defekte båtar utan redningsvestar får operere i landet. I januar omkom minst 25 personar i delstaten Yobe i ei liknande ulykke.

(©NPK)