(NPK-NTB): Vaktsoldatar frå Forsvaret har sidan 22. juli hjelpt Oslo politidistrikt på grunn av eit skjerpa trusselbilete. Bistanden blir avslutta 15. august.

– Politiet er takksamt for at Forsvaret har hjelpt oss i sommar. Det har gjort at vi har vareteke nødvendig vakthald knytt til Oslo politidistrikts hovudstadsoppdrag, seier politidirektør Håkon Skulstad i ei pressemelding.

Politiet bad om hjelp frå Forsvaret som følgje av eit auka tal oppgåver på grunn av konflikten i Midtausten og krigen i Ukraina.

– Kombinasjonen av at langt fleire operative ressursar no er bundne opp til vakthald, saman med eit høgt aktivitetsnivå og mange krevjande arrangement gjennom sommaren, førte til at Forsvaret hjelpte til i ein periode, heiter det i meldinga.

– Sidan situasjonen no er i ferd med å normalisere seg med tanke på planlagd aktivitet framover, blir bistandsoppdraget avslutta, heiter det vidare.

(©NPK)