(NPK-NTB): Miljødirektoratet stenger laksefisket i Gaula, Orkla og Verdalselva i Midt-Noreg frå 1. august.

– Vi forstår at dette er dramatisk. I elvar der villaksen er i ein kritisk situasjon på grunn av sviktande innsig i fleire år på rad, må vi gjere det vi kan for å sikre så mykje gytefisk som mogleg, seier fungerande avdelingsdirektør Marianne Kvaal i Miljødirektoratet.

Ei evaluering frå Norsk institutt for naturforsking (NINA) tyder på at det igjen var eit sviktande innsig av laks til Trøndelag og Nordmøre.

Vedtaket fredag kjem i tillegg til stenginga av kilenotfisket i Trondheimsfjorden og Åfjorden, og dessutan tiltaka innførte i Namsfjorden og seks lakseelvar i Trøndelag og på Nordmøre førre veke.

(©NPK)