(NTB-DPA-AP-NPK): Det vart 23.000 færre arbeidsplassar i USA i juli. Dette var langt svakare enn venta. Økonomane anslo på førehand at det skulle bli 88.000 fleire arbeidsplassar.

Tala frå det amerikanske arbeidsdepartementet vart lagde fram fredag.

Arbeidsløysa var på 4,1 prosent i juli, ein marginal nedgang frå 4,2 prosent månaden før.

Ifølgje sjeføkonom Bill Adams ved Fifth Third Commercial Bank kjem nedgangen som følgje av mangel på arbeidskraft.

– Innvandring kompenserte for den aldrande arbeidsstokken i dei første åra etter pandemien, men det er ikkje tilfelle no, seier han til Bloomberg.

I tillegg er tala for mai og juni reviderte, og viser at det til saman var 103.000 færre arbeidsplassar desse to månadene enn tidlegare rapportert.

(©NPK)