(NTB-NPK): 16-åringen som er dømd for bussbrannen i Nordre Follo der ein person mista livet, er no også dømd for eit ran som skjedde dagen før brannen.

I dommen vart det lagt vekt på den unge alderen til dei sikta, skriv NRK.

Romerikes Blad omtalte saka først.

Ein annan tenåringsgut er også dømd for ranet. Ranet såg ut til å vere brutalt, og den fornærma vart utsett for både vald, kniv og pisking med eit belte.

Guten som er dømd for bussbrannen som skjedde i juli i fjor, sonar allereie ei ungdomsstraff på to år. Retten ønskjer ikkje å endre straffa.

Den andre tenåringen vart dømd til sju månaders samfunnsstraff.

(©NPK)